Larrako Karst 2.000 metrotik gora altxatzen den kareharrizko masa erraldoi bat da. Uraren eraginak lenar handi hau landu du eta osin sakonak ireki ditu, bertan daude munduko osin sakonenetako batzuk eta galeria sarea oso handia da, orotara, 125 kilometro baino gehiago dituelarik. Ur guzti hauek Belagoa ibaia sortarazten dute, Belagoako harana sortuz.
Mendigune honetan altxor asko aurkitzen aha dira, pinu beltza, elur-eperra, Auñamendia, ...., baina neguan beste puntu berezi bat hartzen du eta bere osinak eta lenarrak elur azpian ia desagertzen dira eta mendizaleok haren gainetik ibiltzen ahal gara, sentsazio berezi batekin, jakinda gure azpitik ehudaka metro amildegia daukagula.
Gaur berriz Kontiendara hurbildu gara, kasu honetan Lourdes, Javier, Angel, Martin, Fernando, Rafa eta ni, berriz nora joan jakin gabe, Auñamendiko bidea hartu dugu eta elurraren baldintzak (horma) helburua aldarazi digu eta Batikotxeko lepoan Soumcuuy alderantz abiatu gara, Larrako labirinto eder batetik. Goikaldean haizeak elurra eraman du eta Soumcuy igo gabe eski pistatik jaisten gara Arlas azpira iritsi arte, handik Pescamou lepoa eta Arlasera igo, Arlaseko pala ederrak eskiatzen ditugu eta sentsazio bikain batekin kotxera itzultzen gara.
Rafa berotzen hasi baino lehen
Kontiendan
Arlas eta Larra osoa elurrez ederki estalita dago
Lexa 1.839 m.
Soumcuy eta Auñamendi agertzen dira
Lenar eta osinen gainean ibiltzen
Angel elur hegalaren gainean
Soumcuy azpian
Eski pistan
Javier Arlasera igotzen
Arlas kaskoan, atzean Soumcuy, Kontende eta Auñamendi.
iruzkinik ez:
Argitaratu iruzkina