 |
| Petretxema Txinebral ikusita (aurreko astean) |
Abenduaren 27an, eguraldia ona dela eta elurra oraindik badagoela (elur eza zenbait tokitan nabaria da), Lintzara abiatzen gara eta eskiz ibilbide zirkular polit bat egiten dugu. Andoni Carlos eta hirurok Noainen biltzen gara hara joateko, gero ibilbidean jende gehiago eta 20 lagun baino gehiago gailurrean. Carlosek Petretxemako hegoaldeko jaitsiera ez zuen ezagutzen eta asmoa, mendia, Lintzako lepoko bere ohiko bidetik igo, bere izugarrizko hegoaldetik jaitsi eta Foya de los Ingenieros sakanetik ibilbidea bukatu.
Lintzako lepoko bidea gozoa da baina elurra oso gogorra dago eta Lintzako iturria baino lehenago ganibetak jartzen ditugu. Lintzako lepotik jaitsiera txiki bat egiten dugu eta gailurrera eramanen gaituzten maldetan jartzen gara azkar gaina zapaltzeko (hiru ordu inguru). Ibarrak estaltzen zituzten goizeko lainoak desagertu dira eta egun zoragarria baina oso hotza dugu.
Jaitsiera hegoaldetik hasten gara, udaberri elur geruza gozo batez. Foyas del Ingenierotik jaitsiera oso azkar egiten dugu oso elur gogorrarekin baina eskiagarria eta Lintzako eski pistetatik aterperaino joaten gara.
 |
| Hasi berria, oraindik eguzkirik ez. |
 |
| Lapakiza beti lepozain |
 |
| Atxerito eta Txinebral |
 |
| Atzean Ezkaurre eta Txamantxoia |
 |
| Lintzako lepora iristen |
 |
| Lepotik Ezkaurre aldera |
 |
| Budogia, Hiru Erregeen Mahaia, Mouscaté eta Petretxema |
 |
| Mokau txiki bat hartzen. |
 |
| Lepotik jaitsiera bat eta ....... |
 |
| Petretxemako maldetan sartzen gara. Atzean lepoa |
 |
| Petretxemako azken maldak |
 |
| Andoni gainan |
 |
| Carlos |
 |
| Hirurok goian |
 |
| Goitik Ori aldera |
 |
| Atxerito, Txinebral ..... |
 |
| Budogia eta Hiru Erregeen Mahaia |
 |
| Ansabereko ipar orratza |
 |
| Petretxemako hegoaldea jaitsi eta gero |
 |
| Foyas del Ingenierotik itzultzen |
 |
| Atzera begirada bat. Sobarcal eta Atxerito |
iruzkinik ez:
Argitaratu iruzkina