IRUÑERRIKO BIRA 6. ETAPA ETA AZKENA. OTEIZA ZABALDIKA

Gaur Iruñerriko bira azken etapa egitera joan naiz bakarrik. Honek, lehenengoz kotxea Zabaldikako aisigunean utzi behar dela esan nahi du, bigarrenez bizikletaz Oteizaraino (han amaitu genuen 5. etapa) joan behar dela ere, eta hirugarrenez toki batean kandatu eta gero hasten da nire ibilaldia. Ia Triatloia egineen nukeen kotxearena kirola izan balitz. Azkenean bizikletaren bila joan behar da berriz.
Gaurko etapa ez da oso luzea eta gustura egiten ahal da modalitate hau, Noainetik Beraskoainera (3. etapa) joan nintzenean ere bakarrik, askoz penosoagoa izan zen. Beraskoainetik Noainera aldapak eta kilometro gehio daude, baina txarrena, mendiko botaz, motxila, makilak eta abar bizikletan eramatea izan zen.

Gaur eguraldia bikaina izan da, tenperatura 15 gradu inguru eta ipar haizeak asko lagundu dute gustura ibiltzeko. Etapa honetan igoera bakarra Ezkaba mendia da, nahiz eta Ezkabatxiki zapaldu ere, baina ia ez zara enteratzen igoera den ala ez.

Bukatzeko Arreko Trinitate ermitatik aurrera Done Jakue bidea jarraitzen da eta garai honetan erromesak ehundaka pasatzen dira egunero, horregatik kontran ibiltzen garela sentitzen da puxka horretan.

16,5 kilometroko ibilaldia da eta 562 metro desnibela du. Gaur korrika egin gabe baina azkar ibiltzen, 2 ordu eta erdira ez da iritsi.

Gaurkoa Burlata eta Atarrabia inguruan bizi garenontzat oso ezaguna da, Ezkaba eta Ezkabatxiki noiz nahi egiten ditugu eta hauekin batera ere Lartzabal mendia, hau Zabaldika gainean dago eta pena da ere ez egitea Iruñerriko bira barruan.

Hemendik aurrera bira hau errepikatuko dugu, zalantzarik gabe, baina aldaketa asko sartuko dugu. Hau da bira honetako hoberena, nahiz eta bidea jarraitu, aldaketa batzuk egiteko aukera baduzula.

Argazki honetan Oteiza dugu agerian eta Donibaneko baselizara doan errepidea. Bere atzean, Eltxumendi ikusten da erdian.

Donibaneko baseliza eta Ezkaba mendia, etapa honen igoera garrantzitsuena.

Oteizatik pista luze batetik Berriogoitira iristen da eta bere elizatik ere pasatzen da.

Ezkaba mendira hasi naiz igotzen eta ikuspegiak espektakularrak dira. Oteizatik erabili behar dugun pista oso ongi ikusten da.

Ezkaba jaisten hasi gara eta pirinioa urrunean dago eta Lartzabal, Ezkabatxiki, Ohiana (Miravalles) eta Arangurengo mendizerra gertu.

Nahiz eta bero handia ez egin, basoko itzala eskertzen zen. Hemen Ezkabako aristako bidea.

Hemendik Ezkabatxikik itxura ona du, berehala gainetik pasatuko naiz.

Etapa bukatzear dagoenean Santiagoko bidean sartzen da eta Arletako Jaurerritik pasatzen da, toki interesgarria.

Bukatu da, azken jaitsiera kotxera iristeko. Atzean lehenengo etapako bidea ongi ikusten da, Irozetik igotzen den pista.

GR 220 IRUÑERRIKO BIRA. 5. ETAPA EGILLOR-OTEIZA

Duela urte bat inguru, lagun batek Iruñera bira ematea mendiz mendi posiblea den galdetu zidan eta ere prestatzeko bira bat eskatu zidan.

Lan hori oso interesgarria iruditu zitzaidan, mendiko zirkularrak asko gustatzen zaizkidalako eta askotan hurbileko mendietan zirkularrak bilatzen aritzen naizelako. 

Dena den bazegoela Iruñerriko bira bat esan zidaten eta ezagutzera joan nintzen. 

Egia esan ibilbidea oso ongi aukeratuta dago, aspaldiko bide zaharrak edota pista berriak oso ongi aprobetxatuak  eta oso ongi markatuak. Orain arte egindako ibilbide guztietan toki egokienak mendian ibiltzeko aukeratu dituzte eta guztietan mendia pilo bat gozatu dugu. 

Zaila da segun eta zer tokietan naturan ibiltzea, batez ere Noain inguruan, baina ibilbide osoaren barruan zerbait anekdotikoan gelditzen da. 

Bira osoa ezagutu eta gero, akats bat besterik ez diot ikusten. Iruñeko irudietan bi mendi daude satai ederrekoa: Gaztelu eta Txurregi, niri pena ematen dit bi gailur hauek ez egotea Iruñerriko bira honetan. 

Ez da erreza sartzea ibilbidean, baina nik uste dut posiblea izanen zela etapa kopurua aldatu gabe: 5. etapan biak sartu eta bukatu Erizen, gero azken etapa 24 kilometrora luzatuko zen.

Gaurko etapa Egillorren hasten da eta Lete herrira abiatzen da, puska honetan zenbait tokitan, bidea aurkitzeko, zailtasun handiena aurkitu dut. Aurrerago Atondora joateko oso gutxi erabiltzen diren bideak aurkitu ditugu eta belarrak janen ditu ez badira gehio ibiltzen. Bizkai (Oskia) gailurrera joateak merezi du, ikuspegi ederrak ditu eta ibiltzeko toki oso erosoa eta atsegina da. Baita Eltxumendikoa ere, Iruñerriko ingurua ikusteko paregabeko talaia da. 

Bira honek, Iruñerrian zer pribilegioa dugun ohartarazteko balio du, mendi pilo bat, toki bereziak, ezagutzen ez diren beste hainbat txoko eta abar eta abar. Egiten baduzue ez zarete damutuko.


http://www.mendinavarra.com/portal/files/fnmontana/Documentos/Senderos/Topoguia%20GR%20220.pdf 

Gaur ekainak 14an Iruñerriko birako 5. etapa egin dugu. Egillorretik Oteizaraino, osotara 20 kilometro eta ia 1000 metro desnibela. 

Gaur Pedro eta biok animatu gara eta 4 ordu kostau zaigu.

Lete herrira iritsi baino lehenago Txurregik eta Gazteluk gure ibilbidearen lekukoak ditugu. Galsoroak ere uztaroaren zain daude, aurten, beti bezala, uzta bikaina dator.

Lete herria, jende gutxik ezagutzen du herri hau, horregatik lasaitasuna arnasten da edonon, eguraldiak bikain laguntzen du.

Bizkai mendia edo Oskia, autobiatik edo beste toki batzuetatik askotan ikusten dugu, hala ere gaur lehenengo igoaldia egin dugu. Beste mendi bat gure bildumarako.

Eltxumendin gaude, hau askotan bisitau dugu, dena den Egillorretik lehenengo aldia da. Igoerako bide berri batetik egin dugu.

Iruñerriko birako 5. etapa bukatzeko baso polit horretatik Oteizan agertu ginen.

Bideo honetan ibilbideko argazkiak ikusten ahal dira.

IRULEGIKO BIRA

Azpa herrira iristeko bidean

Bizikletan ibiltzea gozada bat da, menditik oinez orduak eta orduak kostatzen zaizuna, azkar egitea baimentzen dizu. Baina argi dago ez dela hain erreza, teknika ibiltzen hartu behar da eta indarra ere bizikleta gainean hartzen da.

Horregatik bizikleta lanera joateko bakarrik erabiltzen dugunok asko sufritzen dugu halako ibilaldietan.
Eta hau da ere gaur gertatu zaidana Arangureneko paseo polit honetan.

Burlatako zubi zaharretik atera gara eta bide batzuetatik Azpa herriraino joan gara. Asmoa hemedik Aranguren mendizerrako gaina hartu eta GR 220 (Iruñerriko bira) jarraituz Taxoare aldera joan, hori bai, helburu zehatzik ez genuen eta batzuk bidetik uzten gaituzte etxera lehenago iristeko (etxeko lanak egin behar).

Azpara iristeko galsoroak zeharkatzen ditugu eta berdetasuna pilpilean harrapatzen dugu, tartean ere loreetako koloreak pikorrak sortarazten ditu inguruetako paisaian.

Berehala ahazten dut edertasun hori eta nire hanketan atenzioa jartzen dut soilik, azken aldapan ezetz diote eta oinez bukatu behar dut, benetan gogorra, Sarriturriko Potxean agertzen gara eta oso ezaguna den goitik ikusitako paisaiak nire penuriak ahaztarazten dizkit.

Arangureneko bidea eskuinera utzi eta Irulegi aldera, beti gora eta behera, azkenean bizikleta lepoan hartu eta gora Irulegi gazteluraino.

Irulegin

Handik Lakidainera pagadi batetik jaitsi eta Maitagarrien haritza bisitatzen dugu, handik pistak eta bide ezagunak hartuz eta Ilundaunetik sartuz Labianoraino iristen gara eta martxa bukatutzat ematen dugu.