SAIOAN, elurra badoa

Noiztik ez genuen hilabete oso bat gure inguruko mendiak elurrez betetak ez naiz oroitzen. Urtarrila bukaeran hasi ginen eta botatako elurrak gehi izandako hotzak, Saioa, Adi, Ortzanzurrieta, Aralar eta urbileko guztiak eskiz egiteko primeran utzi digute. Dena den egun batzuk epel daramagu eta egoera erabat aldatu da. Gaur Artesiagatik Saioara igo gara eta elur asko joan da, hala ere oraindik aprobetxatzen ahal da jaitsiera batzuk egiteko. 

Lainoak ez gaitu utzi ikusten eta epeltasunak oso elur astuna utzi du, hotza ez badu egiten hau azken "Saioa" izanen da, gutxienez beste elurte bat bota arte.

Egoera nola dagoen Saioa inguruan kusi nahi baduzue, hemen bideo txik bat uzten dut kontutan izateko.

ASTOBIZKAR, berriz ere.

Berriro ere Orreagara hurbildu gara herenegun egindakoa errepikatzeko. Eguraldia hobera zihoala animatu gara eta egia esan pozik gelditu gara, nahiz eta kaskoetan lainoa izan eta gutxi ikusi.
Koadrila bildu gara eta aurreko eguneko arrastoak jarraituz, berriz Astobizkarrera joan gara, Bakarrik Lepoederreraino iritsi gara deus ikusten ez zalako eta handik basotik jaitsi eta berriz igo. Bigarren honetan errepidetik ia goraino. Berriz jaitsi eta etxera.
Berriro basoa gozatu dugu, elurrak eta hotzak ikaragarri polita uzten du eta luxu bat da handik ibiltzea.

ASTOBIZKAR, Errolanen baso miresgarria.

Gaur Orreagara hurbildu gara eta zerua estalita zegoen, baina ateri. Orreagako monastegi atzetik ateratzen den pistatik (aparkalekutik) atera gara, elur aski eta oso ona aurkitu dugu behetik goraino. Bidea hartu eta berehala Ibañetara doan bidea ezker aldean uzten dugu eta pista jarraituz, basoan sartzen gara, handik beti aurrera eta gora, Lepoederretik hurbil Santiagoko bidea hartzen dugu, eta handik lainoz inguraturik goraino iristen gara. Azkar behera bagoaz deus ikusten ez delako eta orduan basoan sarturik jaitsiera luze, ona eta gozatzekoa egiten dugu. Jaisten ari ginela elurra botatzen hasi zen.

Basoa ikaragarria da, erabat hormatua eta askotan kristalezkoa ematen du. Errolan inguru hauetan Astobizkarreko segadan erori zen, mendia eta eguraldia aproposa zegoen gaur ere, baina gaur ejerzitorik ez zegoen eta eskiatzeari eman diogu.

ADI, gora eta behera.

Gaur, oso egun hotza, baina oso ona izan da gure hurbileko mendietatik ibiltzeko. Javier, Iñaki, Iker, Alberto, Remi eta ni bi kotxetan atera gara Uhartetik.

Urkiaga pasa eta gero dagoen aduana zaharran (Iparraldekoa) gelditu eta handik ateratzen den pista batetik (beherantz) baserri bateraino joan gara. Baserritik aurera basoan sartu eta hasi gara igotzen. Arazorik gabe Urkiagatik igotzen den bidean agertu gara, handik Adirantz. Azken palak hasi gara igotzen eta gogorregi jarri denean fokak kendu ditugu eta Iparalderantz basotik jaitsi gara. Elurra oso ona dago toki gehienetan, batez ere baso barnean. Behetik elur gogor geruza bat dago eta goitik hautsa.

Berriz igo eta berriz jaitsi, baina bigarren honetan alanbrada zeharkatu eta beste alderantz. Errekara iritsi eta berriz gora, azken honetan berriz bidea hartzen dugu eta igo garen tokitik kotxeraino itzuli gara.
Bideo honetan gure ibilbidea ikusten ahal da.

HIRUGARRENEAN, BAI!

Hala da, gaur hotz ikaragarria egin du eta irratietan eta beste komunikabideetan mendira ez ateratzeko aholkatzen ari dira, hala ere elurra badago eta zeru garbia iragarri dute. Pentsatu gabe berriz SAIOA aldera abiatzen naiz, baina toki berri bat ezagutu nahi dut gaur.
Beheko bihurgunean kotxea uzten dut eta erreka ondoan doan pistatik martxan jartzen naiz, pista bukaeran eta erreka gurutzatu baino lehenago, ezker aldera basotik sartzen naiz.
Handik egurra ateratzeko pista zaharrak aprobetxatzen ditut eta azkenean goiko pista onaren bukaeran dagoen borda batean agertzen naiz.

Basoa ikaragarri polita elurte hotz honekin, baina elur gutxi dago eskiekin ibiltzeko, dena den igotzen ahal da justu, baina jaistea beste kontu bat da. Horregatik Artesiagara joatea erabakitzen dut, handik gero errepidetik eskiz ere kotxeraino.



Mendizaleak ikusten dira Saioan gora eta behera eta asko ezagunak, gehienak suhiltzaileak, nola ez?

Hemen prestatutako bideo kutre bat uzten dizuet, grabaketa eta argazkiak egiten oso ongi pasatu dut.