Gure pirinioetako tokirik maitatuena den Belagoa ibarrara joan gara zirkular bat egitera. Han, umeak ginela, goiko mendietan estreinatu ginen, lehendabiziko aldiz kranpoiak eta pioleta erabili genituen eta lehendabiziko aldiz ere eskiak jarri genituen. Egin berria zen Belagoako aterpea inguruko igoerak egiteko (Lakora, Lakartxela, Auñamendi, Hiru Erregeen Mahaia.....) gure kanpaleku nagusia izan zen.
Mende erdi bat pasa da inauguratu zutenetik eta aurten, urte batzuk itxita egon ondoren eta moldaketa lanak egin eta gero, berriro inauguratu dute. Ea datozen mendizale belaunaldietarako mendizaletasunen munduan sartzeko balio duen.
Gaurko zirkularra Ferrek proposatu zidan, Txamantxoia aterpetik Lapatia leporaino eta handik Lakartxelara igo bere hego aldetik. Handik Arrakogoiti lepora jaitsi eta Lakora igo Belagoako aterpera jaisteko eta Zemetoko bidetik berriro kotxeraino.
Paper gainean oso erakargarria zen, baina iritsi ginenean mendiko baldintzak uste baino askoz okerragoak ziren. Alde batetik elur asko zegoen goiko partean eta guk mendiko zapatilekin geunden, beste alde batetik lepoetan eta gailurretan haizete ikaragarria jotzen zuen (abisu horia eta gorria iragarri zuten egun hauetarako).
Azkenean elurra, nahiz eta oinekin blai bukatu, ongi zegoen ibiltzeko (kasu handiz zeinbat tokietan) eta Lakartxelara igo ginen, baina haizea fuerteegia zen eta Arrakogoititik zuzenean Belagoako aterpera joan ginen, Lakora igo gabe. Gainerakoa ongi egin genuen eta zirkularra ongi bukatu genuen, 18 kilometro eta 1100 metro inguru desnibela egin eta gero.
Goizeko 8:30ak dira hasten garenean.
Gonzalo gure lagunaren borda ondotik pasatzen gara.
Bidea basotik doa ....
..... Lapatia lepo ondora iritsi arte.
Lakartxelako goiko belardiak eta elurra gertu dago.
Udazkeneko koloreak kontraste ederra ematen dio mendiari.
Lepoko informazio kartelak eta Otxogorrigaine
Ferre lepoan.
Ni ere.
Larrondoa aurrean dugu.
Elurra bidean nagusitzen da
Lapatia lepoa eta Larrondoa
Alanoak eta Ezkaurre
Oraindik zailtasunak ditugu gailurrera iristeko. Ezkerreko punta da
Mintxate alderantz.
Lepoan
Gailurra ondoan.
Ezker alderantz jaitsiko gara, Belagoara joateko.Lepora beste aldetik iritsi gara.
Barazea edo Belai
Bimbalet.
Arrakogoiti lepoa eta Lakora.
Belagoako ibarra eta Ainelarratik Alanoraino.
Lakartxelako puntak. Ezkerrean Lakeleta.
Iskondise eta Lakora
Arrakoko sakana.
Arrakogoitiko kartelak.
Lakartxelako irudi klasikoena.
Belagoako aterperako bidean.
Aterpe berritua,. Itxita zegoen Covid-19 birusa kasuengatik
Aterpetik Auñamendi, ......., Lapakiza.
Mata de hayatik Lakartxela.
Eta hala bazan ala ez bazan, sar dadila ........................
iruzkinik ez:
Argitaratu iruzkina