Ateraldia bi egun Maladetako mendikatean pasatzeko egiten dugu. Azkenean Iñaki Martin eta ni kotxe batean joaten gara Benasque alderantz, aterpean 7ak inguru egoteko afaldu ahal izateko.
Besurtara iristen gara eta 10 minututan elurretan gaude eskiekin gora eta aterpera garaiz iristen gara.
Heldu den egunean goizekko 6,30etan Rafa aterpean agertzen da ohean oraindik gaudela, goizeko 2,30etan Iruñetik atera da eta pentsatu baino askoz lehenago iritsi da. Aterpean ere ezaguna den Jokin badago eta gurekin ibilaldia egitera animatzen da.
 |
| Urdinez, egindako ibilaldia. Guttxii goora behera. |
Plana oso interesgarria da, jendetsua diren Aneto eta Malladetatik urrundu nahi dugu eta toki berri poliit bat ezagutu ere. Nahiz eta Mulleres ezagutu, bidea Barrancs sakanatik igo nahi dugu eta jaitsiera La Escaleta sakanatik jaitsi.
Aterpetik La Renclusako lepora igo behar da hasteko eta handik Pla de Aigualluts jatsiko gara, Anetorako bidea hartuko dugu hasieran baina berehala Barrancs aldera joko dugu.
 |
| Aterpetik Renclusako lepora ateratzen. |
 |
| Elurra oso gogorra da ordu hauuetan |
 |
| Berehala eguzkiak jotzen du. Renclusako lepoan, |
 |
| Forcanadak eta Aigualllutseko Tuca, Aiguallus platora jaitsi baino lehen |
 |
| Pla de Aigualluts, atzean lepoa. |
 |
| Salterilloko sakanan sartzen gara hasieran eta Aneto - Coronas agertzen dira |
 |
| Rafa eta aneto |
 |
| Ezkerrean, Ibon de Barrancsera sartzeko lepoa. |
Ibon de Barrancseko sarrera utzik dugu eta eskuineko aurreko kanalatik igoko gara zailasunik gabe, kanala hau gainditu eta gero esker alderantz joko dugu Colladeta de Barrancsen agertzeko.
Hemendik Tempestades mendizerra, Margalida eta Salenques ederki gozatu ditugu.
 |
| Kanala igo eta gero berriro Aneto eta Coronas agertzen dira |
 |
| Jokin piska bat atzeratu da. Atzean La Salvaguardia. |
 |
| Aurrez aurre Colladeta agertzen zaigu, ..... |
 |
| ........ eta berehala Colladeta de Barrancsera iristen gara. |
 |
| Eskuin aldean Tempestades mendizerra |
 |
| Gorriz joan behar den tokia. Aurrean Pico Barrancs, Pic Salenques eta Salenques orratza. |
Colladetatik jaitsiko gara eta aurrrez eta ezkerretik doan kanal batetik sartuko gara, handik bukaeraraino joan eta ezkerretik dugun pala ikaragarri batetik igo behar da. Ahal dugunean maldako ezker aldeko tokitik joaten gara babestuagoak joateko. Eta Barrancs eta Salenques arteko lepoan agertzen gara.
 |
| Itzalean oraindik Barrancseko ibon eta ezkerrean Colladeta. |
 |
| Kanalatik sartu gara eta atzean Colladeta gelditzen da. |
 |
| Espalda de aneto, tempestadeseko pitzadura,... |
 |
| Barrancs eta Salenques arteko lepora iristen. |
 |
| Martin eta Jokin. Atzean Tempestades, Anetoko bizkarra, Aneto, Coronas, Maldito, Abadias eta Maladeta. |
 |
| Lepotik oso gertu Barrancs dago |
Lepotik Salenqueseko malda inguratzen dugu altuera hartu gabe, bestela gero asko jaitsi behar da, eta Mulleres aurrez aurre agertzen zaigu. Eskuineko maldatik zuzenean gailurrera iritsiko gara.
Goitik ikuspegia ahaztezina da, Maladetako mazizo osoa eskuragai daukagu, beste aldetik Val dAran, Biellako tunela ....
Mulleresetik 200 metro behera eskiatzen dugu eta berriro fokak jarri Salenquesera igotzeko. Handik elur bikaina harrapatzen dugu eskiatzeko eta Pla de Aiguallutseraino joaten gara, berriro Renclusako lepora igo eta Aterpean irabazitako atsedena hartzen dugu.
 |
| Salenques inguratzen |
 |
| Cap de Toro eta Mulleres |
 |
| Irudiko erdian eta Anetoko bizkar azpian Salenques dago. Hara abiatuko gara. |
 |
| Margalidatik Anetora |
 |
| Gailurran |
 |
| Salenquesera goaz |
 |
| Azken txanpa |
 |
| Atzean Mulleres |
 |
| Eskiada ederra. Escaletako ibona |
 |
| Escaletako sakana |
iruzkinik ez:
Argitaratu iruzkina