EZKAURRI

Ostiral honetan Xabi eta biok Izabara hurbildu gara Ezkaurre igotzeko.
Bizikleta kotxean sartu dugu, Berroeta sakanako 4 kilometrotako pista azkarrago egiteko.

Covaloriaren argazkia

Goizeko 7ak dira eta Izabako aparkalekutik bizikletarekin ateratzen gara, Belabartzeko ateak ikusten ditugunean pista eskuinera eta hego aldera hartu behar dugu, Berroetako sakanatik joateko. Pistak gorantz jotzen du bukatzen den arte.

Han ezker aldetik oso tente den bide bat hasten da, gorri eta urdin markak dituena, eta handik gure ibilbidea hasten dugu. Bide hau oso zuzen igotzen da Ezkaurreko aintzira dagoen lautadaraino, baina oso gutxi ibilia da eta zenbait tokitan erreza da bidea galtzea. Basoa zabaltzen da momentu batean eta Ezkaurre txiki ikusten dugu.

Ezkaurre Txiki 1846 m.

Arrigorrietako puntak eta aurretikjaitsiko garen ertzatik ikusten da.

Bideak basotik segitzen du eta batzuetan ez dago oso argi  nondik doa, hala ere ongi hartzen dugu eta goiko belardietara iristen gara. Handik azkar Ezkaurreko aintzirara iristen da eta GR hartzen dugu.

GR hartu dugu eta atzean Godia  1763 m.

Aurretik Ezkaurre 2049 m.

Aintzirako belardietatik Baines 1858 m.

Ezkaurreko aintzira 1701 m.

Aintziratik bidea kanal batetik sartzen da, guk eskuineko kanal zabalagoa hartzen dugu, markarik gabe eta eskuinerantz pixkanaka jotzen GR goikaldean hartzen dugu. Handik gailurra gertu dago, haize fuertea jotzen du baina eguraldia oso polita. Goizeko 10etan goian gaude.

Kanal hau GR da, gu eskuinetik agertu gara eta hemen bidea hartu dugu.

Gailurretik Auñamendi, Hiu Erregeen Mahaia, Petretxema, ....

....mendebalderantz Ori, Otxogorri, Barazea, Lakartxela, ....

Itzultzeko GR hartzen dugu eta Berroeta sakanako beste aldetik jaisten gara.

Berriz aintziratik pasatu behar.

Eta berriz Ezkaurre politagoa. Eguzkiak ongi jotzen du.

Espelunga alderantz, urrunean Peña Forca.

Itzultzeko bidea. Arnaia eta Traviesa de Gallarifonda

Ezkaurre Txiki eta Baines. Malda horretatik igo gara.

Ezkaurre atzean gelditzen ari da. Eskuinean Kañadaxiloa

Arnaia gertu, eskuinetik inguratuko dugu.

Belabartzeko ateak eta Ezkaurre Txiki. Sakonean Berroetako sakana.

Ezkaurre gero eta urrunago. Egindako ertza guztia ikusten da.

Traviesa de Gallarifondatik, hemendik jaitsiera azkarragoa izanen da.

Berriro pistan agertuko gara eta orain bai, bizikleta izatea asko eskertzen da. Zistu bizian kotxean gaude. Oraindik ordubata ez da.

ARAGUELLS (3037 M.), MALADEETAKO BIRA

Ostegun arratsaldean Benasque alderantz abiatzen gara, Lourdes, Javier eta ni. Bokata bat bidean jaten dugu eta Besurtara 9:30etan iristen gara, dena prestatzen dugu eta oinez hasten gara Renclusarako bidea. Handik gutxira eskiz jarri eta ziztu bizian aterpean gaude.

Ostiralea goizeko 6retan Diegorekin gelditu gara, Lizarratik beste lagun batekin etorri da baina Besurtan lo egin dute. Oso puntual aterpean agertzen da, bere laguna Anetora joan da eta gu Alba leporantz abiatzen gara. Gaurko plana ez zen oso argi, bakarrik Araguellseko punta igo nahi genuela argi genuen, gero Maladetako bira bukatu Coronas lepotik ala berriro etorri garen lekutik itzuli, ez genuen oso argi zer zen motzagoa.

Lourdes Renclusatik ateratzen

Hasi baino lehen hartu behar dugun bidea ikusten dugu

Diego eta Javier ere prest ateratzeko

Lehenengo aldapak, ...

... eta betiko klasikoak.

Makineria martxan jarri da. Lourdes eta Javier.

6:30etan ateratzen gara, agian beranduegi buelta hori emateko, baina adinagatik alperrak bihurtu gara eta zama horrekin ibiliko gara.

Ez du hotz handirik egiten baina hala ere elurra gogortu da eta hasieratik ganibetak jartzen ditugu, askoz seguruago ibiliko gara. Alba leporantz gelditu gabe baina oso lasai bagoaz, paisaiatik gozatzen eguraldia ezin hobeagoa delako.

Hirumilak Lourdesen gainean. Pico Alba, Pico Mir, Delmas .......

Hau da! Mendi sorta ederra. Elur jauzi ederra goiko zirkutik bota du.

Oraindik eguzki izpiak indarrik gabe daude, geroago ez.

Padernako aintziratik aldapak eten gabe.

Alpa lepoa gertu dago, atzetik eguzkia lepozaina.

Diego aspertzen da, beti gure zai.

9etan Alba lepoan gaude eta gelditu gabe gogorra baina oso ona eskiatzeko dagoen elurretatik Cregueñako aintzirara jaisten gara. Bidean Araguells agertzen zaigu. Bitartean Katalandar talde bat gurekin animatu dira bidea ezagutzen ez dutelako eta horrela koadrila biltzen gara bira emateko.

Alba lepora eta gero. Diego araguells aurrean.

Araguells lepotik Cregueñako aintzira.

Lepotik 100 metrotara gailurra.

Vallibierna

Aneto, Estase korridorea eta Llosas ertza.

Diego eta biok gailurrean.

Cregueñako aintziratik, oraindik ezer jan gabe gorantz jotzen dugu atsedenik hartu gabe, kranpoiak jartzen ditugu aldapa tenete eta gogorra delako. 10etan araguellseko lepora iristen gara eta diego, ni eta bi katalandar gailurra zapaltzen dugu. Katalandarrak ekialdeko kanal batetik jaisten dira eskiatzen, gu pixka bat jaitsi eta eskia Koronaseko aintzirara goaz. Bitartean Lourdes eta Javier aurreratu dira lasaiago ibiltzeko.

Lourdes Coronaseko lepora nondik jo asmatzen.

Javier Coronaseko lepoan. Atzean Araguells.

Coronas mendia 3293 m.

Portillonetik Aneto.

Koronaseko aintziran zerbait jaten dugu eta berriz lanera, fokeatzera, jada nekea nabaritzen da eta Coronaseko lepora dagoen igoera luzea nekez egiten da. 12:45etan lepora iristen gara, gure lagun katalandarrak Anetora doaz eta gu Portillonetik Renclusara, behetik elura oso txarra dago eta gehio nekatzen gara,dena den aterpean hartutako garagardoak eta saldak indarrak ematen dizkigu Besurtaraino joateko.

Eta guzti hau bazan edo ez bazan sar dadila ......