Goizeko 7,30ak dira Purujosatik (978 m.) martxan jartzen naizenean, oraindik "fresko", arropa gehiago jartzeko zalantzan nabil baina, udako mailota soilik eramatea erabakitzen dut.
Purujosa Moncayo hego aldean kokatzen da, Isuela ibaiaren goi ibarrean, Zaragozako probintzian baina Soriako muga ondoan.
Moncayoko bira beti Beraton (Soria) herritik egin dut eta beti zorrotza iruditu zait, baina beti mendiko bizikleta normal batekin egin dut. Orain urteak pasatu dira eta BTT elektrikarekin oso eroso mugitzen naiz eta horregatik bira hau luzatzea erabaki dut, toki berri gehiago ezagutzeko besteak beste.
 |
| Goizeko 7.30ak |
Goizeko freskurarekin ateratzen naiz baina, bideak eten gabe gora jotzen du eta azkar berotzen naiz, lehenengo helburua Tablado lepoa (1.362 m.) da. Nahiz eta goiz izan, mendiko biztanleak aspaldin lanean daude, basurde familia bat nire aurretik pasatzen dira niri kasu gutxi eginez, orkatzek ordez, nigandik oso azkar ihes egiten dute. Nork bere zereginarekin eta ni nirearekin, pedalei eman lepora iristeko.
 |
| Tablado lepoa |
 |
| Tablado mendizerra |
Lepoa Tablado mendizerra eta Peñas de Ibañez artean kokatzen da, oraindik Moncayo ez dut ikusi baina azkar agertuko dela badakit, bera inguruko erraldoia baita.
Lepotik jaitsiera luze batez Borobia herriraino iritsiko naiz, bitartean Moncayo agertzen da eta egun osoan ez dut bistatik galduko
 |
| Moncayo begibistan |
 |
| Borobia herria |
Borobia herria 1139 metrotan kokatzen da eta hango goiko lautadak orain hori kolorekoa daude, lehor utsak ez du barkatzen eta Ibai ondoan eta Moncayoko magaletan soilik berdea ikusten da.
Pista zabal eta lauetatik Cueva de Agreda herrira iristen naiz
 |
| Cueva de Agreda |
 |
| herritik atzera gelditu da eta hurrengo leporantz abiatzen naiz |
Cueva de Agreda (1313 m.) Moncayoko magalean dago eta handik oso bide polita dago hara
igotzeko.
Ni Canto Hincado lepoa bistan dut eta hara noa gero Zaragozako probintzian berriz sartzeko
 |
| Canto Hincado epoa 1470 m. |
 |
| Bidetik Fuentes de Agreda behean ikusten da |
Lepo honetatik bideak Peña Negrilla edo Moncayo de Soria inguratzen du, Hasieran Lehor baina oso azkar ipar aldera jotzen du eta giroa aldatzen da, pinudiak eta pagadiak nahasten dira, ura erreketan eta iturrietan mugitzen da.
Itzala lagun izanen dut eta eskertzekoa da, ur freskoa edateko eta hartzeko parada izaten dut. Hemendik aurrera paisaia oso desberdina aurkituko dut.
 |
| Iturria |
 |
| Moncayo errepidetik |
Bidea jarraituz Moncayokoo ermitara igotzen den errepidea hartzen dut eta "Fuente de los frailes" (1360 m.) dagoen aparkalekutik Moncayo eta La Lobera inguratuko ditut mendiko goi pistetatik.
Alto de la Majada Alta eta bellido lepo artean bidea bere tokirik altuena hartzen du, 1890 metro. Toki honetatik eta Purujosaraino kriston jaitsiera dugu aurretik, 17 kilometro eta ia 1000 metro desnibela gure bira bukatzeko. Majada bajako aterpetik pasatzen naiz eta aurrerago Beraton herrira joateko bidea eskuinean utziko dut zuzen jarraitzeko eta Corona alta eta La Costera azpian doan sakanatik Purujosaraino jaitsiko naiz.
